Eksakto 350 ka mga bata, Senior High School na mga estudyante na Science Technology, Engineering and Mathematics nan Surigao Norte National High School an nakadawat nan tag isa na Electronic Tablet pinaagi sa ‘Tablet Ko, KAUGMAON Mo’ PROJECT, subay sa ‘ PADAJUN AN EDUKASYON Program ni Gov Francisco T Matugas. Tagpangunahan ni Asst Provincial Administrator Simeon Vicente Castrence sa ngayan ni Gov Lalo Matugas, sanan kanhi Governor kuman Provl Administrator Sol F Matugas, an pag panhatag na taghimo mismo sa lobby nan SNNHS Main Building, buntag an ENERO 29, 2021, na tagtambungan isab nan mga kadagkuan sa DepEd SdN Schools Division sa pagpanguna ni Superintendent Ma. Teresa M. Real, SNNHS Administration, Staff and Faculty sa pagpanguyo ni Mr Jose Gil L. Escabal, an school Principal.Tagsulti ni APAS Sim Castrence na an pinaka rason sa ini na programa ni Gov Matugas, amo an gugma sanan tinguha sa PADAJUN na pag atiman para sa kaugmaon nan kabataan Surigaonon, labi na sa I in panahon sa pandemya sa Covid 19.(voice clip APAS sim)Dako isab an pag padala at ni Superintendent Tess Real sa liderato nan Probinsia sa pagtagad sanan sa suporta. Matud pa nan ini na supplement karajaw sa Network Academy Project an mga tanhatag na gadgets sa mga ESTUDYANTE.(voice clip Tess Real)Samtang, ISA isab ka ESTUDYANTE na si Nicole Jay Villalobos, Grade 12, an nahpapabati una, nan pagdajeg sa liderato nan kagamhanang Probinsial sa pagtagad pag atiman sa mga kabataan, mga ESTUDYANTE na dako an maapektuhan sa pandemya. Dugang pa nan ini na dili lamang na sila na mga kabataan a mga ESTUDYANTE an ingka tabang an kun dili lakip an ila mga ginikanan na ba menus MENUSAN an mga abagahunon sa pag eskuyla nan mga anak sa inin panahon nan pandemya. CEDAO-INFO)
